Superliga 10-turining qiziqarli o‘tishi taxmin qilinayotgan o‘yinlaridan birida Toshkentning “Lokomotiv” klubi Farg‘onada “Neftchi” jamoasiga qarshi bahs olib boradi.
Mazkur ikki klubning o‘zaro o‘yinlari hamisha murosasiz ruhda o‘tib kelgan. Jamoalar hozirga qadar milliy chempionatlarimiz doirasida 26ta uchrashuv o‘tkazishgan. Ularning 7tasida farg‘onaliklar, 14tasida toshkentliklar zafar quchishgan. Yana 5ta bahs durang natija bilan o‘z nihoyasiga yetgan.
“Lokomotiv” futbolchilari raqib darvozasini o‘zaro o‘yinlarda 44 bor aniq nishonga olishgan. O‘z darvozamizdan esa 32marta to‘p o‘tkazib yuborganmiz.
Jamoalarning o‘tgan yili Farg‘onada kechgan bellashuvida 0:0 hisobi qayd etilgan edi.
