Oldinroq Arsen Vengerning o‘rniga keladigan murabbiy “Arsenal”ni kuchaytirishi uchun yozda 200 mln funt sterling olishi xabar qilingandi. Biroq “kanonirlar” sobiq futbolchisi Rey Parlorning fikricha, bu summa yetarli emas.
“Arsenal” yozda jamoani kuchaytirishi uchun 200 mln emas, kamida 250 mln funt sarflashi lozim. Ana shunda jamoa raqobatbardosh klubga aylanadi.
Muammo shundaki, “Arsenal” yozda tajribali futbolchilarni xarid qila olmasligi mumkin, chunki jamoa kelasi mavsumda Chempionlar ligasida o‘ynamaydi.
Yangi murabbiyning asosiy vazifasi klubni kuchli to‘rtlikka qaytarish. Rahbariyat bu borada yordam berishi kerak. To‘g‘ri, ular ko‘p pul sarflashni xohlashmayapti, ammo kelasi mavsumda muvaffaqiyatga erishmoqchi bo‘lsalar, shunday qilishlari kerak”, dedi Parlor.
