Олдинроқ Арсен Венгернинг ўрнига келадиган мураббий “Арсенал”ни кучайтириши учун ёзда 200 млн фунт стерлинг олиши хабар қилинганди. Бироқ “канонирлар” собиқ футболчиси Рэй Парлорнинг фикрича, бу сумма етарли эмас.
“Арсенал” ёзда жамоани кучайтириши учун 200 млн эмас, камида 250 млн фунт сарфлаши лозим. Ана шунда жамоа рақобатбардош клубга айланади.
Муаммо шундаки, “Арсенал” ёзда тажрибали футболчиларни харид қила олмаслиги мумкин, чунки жамоа келаси мавсумда Чемпионлар лигасида ўйнамайди.
Янги мураббийнинг асосий вазифаси клубни кучли тўртликка қайтариш. Раҳбарият бу борада ёрдам бериши керак. Тўғри, улар кўп пул сарфлашни хоҳлашмаяпти, аммо келаси мавсумда муваффақиятга эришмоқчи бўлсалар, шундай қилишлари керак”, деди Парлор.
