"Yuventus" himoyachisi Jorjio Kyellini jamoasi chempion bo‘lgan mavsum haqida fikr bildirdi.
"Qoyilmaqom va muhim mavsum bo‘ldi. Ammo hozircha erishgan natijamiz uchun munosib tan olinganimiz yo‘q. "Yuventus" hozirning o‘zida tarix yozmoqda, buni hech kim takrorlay olmaydi. Biz qari va badbashara bo‘lishimiz mumkin, ammo baribir g‘alaba qozonishda davom etyapmiz va aqlbovar qilmas natijalarga erishyapmiz.
Milandagi ikkinchi bo‘limda chempionlikni boy berib qo‘yishmiz mumkin edi, ammo tanqidlar bizga motivasiya berdi. Bizni ko‘pchilik yetarli darajada hurmat qilmayapti. Hayotda raqibni hurmat qilish kerak, ammo "Napoli" erta bayram qildi. Ammo baribir biz har doimgiday g‘olib bo‘ldik", - deydi Kyellini.
