Senegallik hujumchini ham futbol olamidagi eng olijanob yulduzlar qatoriga qo‘shish mumkin. U har qadamda atrofidagilarga yaxshilik ulashishga moyil.

bombardir.ru saytining quyidagi maqolasi qalbi daryo yigitning qisqa tarixi haqida.

2005 yil. Banbali. Senegalning eng qashshoq qishloqlaridan biri. Umumiy manzara: poxol uylar, toza ichimlik suvi tanqisligi. Hammaning nigohi kichikkina televizorda, Yevropa Chempionlar Ligasi finalida.

O‘shanda «qizillar»ning aqlni shoshirib qo‘yadigan buyuk «kambek»larini butun qishloq birga tomosha qilgandi. Futbolga asosan og‘ir hayotdan ozgina chalg‘ituvchi vosita sifatida qaraydigan banbaliliklar ham hal qiluvchi o‘yindagi voqealar rivojidan shunchaki, yoqa ushlashgan va Xabi Alonso hamda Yeji Dudek kabi qahramonlar jasoratidan lol qolishgandi.

Chetda turgan ozg‘in bolakay esa tinmay sakrardi. Ha, Sadio Mane o‘sha oqshomni juda yaxshi eslaydi: «Eng yaqin do‘stlarimdan biri birinchi bo‘lim tugashi hamono boshqa bolalar bilan o‘ynashga yugurib ketdi.

U ko‘p o‘tmay, ortga qaytdi va televizor chetidagi 3:3ni ko‘rib, ho‘ngrab yig‘lab yubordi. Men esa uni yupatishga urindim: «Qo‘y, yig‘lama, qachondir haqiqiy medallari va kubogi bor o‘z finalimizda maydonga tushishga va’da beraman...». Mana, Mane oradan 13 yil o‘tib, aynan «qizillar» safida futbolchilik hayotidagi eng asosiy o‘yinda ishtirok etdi.

Diqqatga sazovor tomoni, senegallik hujumchi Rimda «Roma»ga qarshi kechgan yarim finalning javob o‘yini tugashi hamono o‘sha do‘stini eslab, unga darhol qo‘ng‘iroq qilib, alohida ogohlantiribdi: «Yusuf, yaxshilab eshit, 26 may kuni final hushtagi yangramasidan oldin hech kim tashqariga chiqib ketmasin...».

Sadioning bolalik do‘sti hozir ham Banbalida yashaydi. Endilikda u «Liverpul»ning ashaddiy va sodiq muxlisi. Shuningdek, xarobazor yerda mahalliy bolalarni shug‘ullantiradi. «Albatta, Istanbulda bo‘lgan o‘sha ajib finalni yaxshi eslayman, Sadioning gaplarini ham.

Yashirmayman, uning va’dasini ushalmas orzudek qabul qilgandim. Biroq qarangki, bu yaramas bola orzuni ikki kishi uchun amalga oshirdi. Hozir mutlaqo baxtiyorman. Faqat bitta iltimosimni do‘stimga yetkazib qo‘ysanglar: birinchi bo‘limni 0:3 qabilida buzib, asabni o‘ynatish shart emas», - deydi Yusuf.

Tabiiyki, Banbalida hamma-hamma «futbol virusi»ga chalingan. Misol uchun, DAVOMI