Fransiya terma jamoasi hujumchisi Olivye Jiru jamoasining JCH-2018dagi imkoniyatlarini chamaladi.
"Evro-2016dagi mag‘lubiyat og‘riqli bo‘ldi. Biz finalda Portugaliyani yengishimizga ishongan edik, ayniqsa, chempionat o‘z uyimizda o‘tayotganini hisobga olganda. Ammo bizga omad kulib boqmadi.
1998 yilda jahon chempionati Fransiyada bo‘lib o‘tganda barcha o‘yinlarni ko‘rganman. Men 11 yoshda edim. O‘yinlarni tomosha qilganimda ko‘k kiyim kiyib olar edim. Endi, oradan 20 yil o‘tib, men sheriklarim bilan bu hissiyotlarni boshdan kechirmoqchiman. Umid qilamanki, biz ular qilgan ishni takrorlay olamiz", - deydi Jiru.
