«Xorazm» klubi hujumchisi Qadamboy Nurmetov Pro-liga 17-turidan o‘rin olgan «Orol» (3:0) klubiga qarshi safar o‘yinidan so‘ng, o‘z fikrlari bilan o‘rtoqlashdi.
O‘yinning 62-daqiqasida Qadamboy darvozabon bilan yuzma-yuz vaziyatda gol urib, hisobni ochgan edi.
«Bugungi o‘yin qiyin bo‘ldi. «Orol»ni o‘z maydonida jiddiy raqib ekanini bilardik. Shunga yarasha yaxshi tayyorgarlik ko‘rdik. Niyatimiz g‘alaba qozonish edi. Yigitlarga rahmat, ularning mehnati bilan niyatimizga yetdik.
Bir oydan ortiq vaqt davomida raqib darvozasini ishg‘ol etolmagandim. Bu futbol, ba’zan omad kelmaydi, ba’zan boshqa sabablar yuz beradi. Hujumchilarda ham pasayish yuz berib turadi, mana Luis Suares ham ancha paytgacha gol urolmay yurgan edi. Nasib qilsa, buyog‘iga raqiblar darvozasiga yana ko‘plab gol urishga harakat qilaman.
Muxlislar shuncha yo‘l bosib, bizni qo‘llab-quvvatlash uchun safar o‘yiniga borishdi. Bundan juda xursandmiz, bu bizga juda yordam berdi. Ularning ishonchini oqladik deb o‘ylaymiz» - deb hujumchi so‘zlarini keltirmoqda «Xorazm» klubi muxlislari telegram kanali.
%20klubiga%20qarshi%20safar%20o%26amp%3Blsquo%3Byinidan%20so%26amp%3Blsquo%3Bng%2C%20o%26amp%3Blsquo%3Bz%20fikrlari%20bilan%20o%26amp%3Blsquo%3Brtoqlashdi.%26amp%3Bnbsp%3B&image=%2Fimages%2Fnews%2Fnurmetov_q.jpg&noparse=true){kind=link}