Xorvatiya terma jamoasi bosh murabbiyi JCH-2018 finalida Fransiyadan uchralgan mag‘lubiyatdan so‘ng (2:4) fikrlari bilan o‘rtoqlashdi.
"Birinchidan, Fransiyani tabriklayman. Ular yaxshi o‘ynadilar, biz ham dastlabki 20 daqiqada. Keyin avtogol va o‘sha penalti sodir bo‘ldi. Hakamlarni hech qachon tanqid qilmayman, ammo hozir aytaman: jahon chempionatlari finalida bunday penalti berilmaydi. Ammo bu raqib o‘yinini kamsitmaydi. Ha, biz mundialdagi balki eng yaxshi o‘yinimizni o‘tkazdik. Biz xafamiz, ammo erishgan natijamiz bilan faxrlanamiz.
Bizga butun musobaqada kulib boqqan omad yetishmadi. Men dastlabki ikki gol haqida gapiryapman. Hech narsa darak bermayotgandi va birdan ikki gol o‘tkazib yubordik. Uchinchi va to‘rtinchi goldan so‘ng hammasi aniq bo‘lib qoldi. Ammo taslim bo‘lmadik, Manjukichning goli umid uyg‘otdi, ammo JCH finalida to‘rtta golga avob qaytarib bo‘lmaydi", - deydi Dalich.
