Professional boksda faoliyat olib borayotgan bokschi Shahram G‘iyosov bugun,18 avgust kuni AQSHning Nyu-York shahrida o‘zining navbatdagi jangini o‘tkazdi.
Shahram G‘iyosov faoliyatidagi to‘rtinchi jangida ganalik Albert Mensaga qarshi ringga chiqdi. Quvonarlisi, o‘zbekistonlik bokschi uchinchi raunddayoq raqibini nokaut evaziga mag‘lubiyatga uchratdi va faoliyatidagi to‘rtinchi g‘alabani tantana qildi.
Ma’lumot uchun, Shahram bugungisi bilan qo‘shib hisoblaganda professional faoliyati davomida to‘rtta jang o‘tkazgan va ularning barchasida g‘alaba qozongan.
Ganalik Mensaning o‘tkazgan janglari soni 39 taga yetdi. U janglarining 31 tasida g‘alaba qozongan. Bitta bahsda durang qayd etgan. Oltita jangda esa mag‘lubiyatga uchragan. Bugun u faoliyatidagi ilk nokautini qabul qilib oldi.
