«Pari Sen-Jermen» Bredli Barkola va Ibraima Mbayeni sotish orqali katta mablag‘ ishlab olishga umid qilmoqda. Har ikki vinger ham yozgi transfer oynasi yopilguniga qadar Parij klubini tark etishi mumkin.

Insayder Fabrisio Romano ma’lumotiga ko‘ra, «PSJ» rahbariyati Barkola va Mbayening transferlaridan jami 200 mln yevro atrofida mablag‘ olish mumkin, deb hisoblamoqda.

Transfermarkt portali 23 yoshli Barkolaning bozor qiymatini 90 mln yevroga, 18 yoshli Mbayeni esa 30 mln yevroga baholamoqda.

Har ikki fransuz futbolchisiga Angliya Premyer-ligasining yirik klublari qiziqish bildirmoqda. Bredli Barkola uchun kurashda «Liverpul» asosiy da’vogar sifatida ko‘rilmoqda. Biroq mersisaydliklar hozircha «PSJ»ning moliyaviy talablarini qondiruvchi taklif bilan chiqmagan.