O‘zbekiston futbol assosiasiyasi tomonidan yurtimizda futbol hakamligi sohasini rivojlantirish, yosh o‘sib kelayotgan avlodni ushbu kasbga qiziqtirish maqsadida bir qator chora-tadbirlar amalga oshirilmoqda.
Xususan, O‘zbekiston futbol assosiasiyasi respublikamizning hududlari bo‘ylab yosh hakamlar uchun seminarlar tashkil qilmoqda. Kuni kecha Qoraqalpog‘istonda qorapalpog‘istonlik va xorazmlik yosh hakamlar uchun ana shunday seminarlardan navbatdagisi tashkil etildi.
Ushbu seminar davomida iqtidori bor umidli yosh hakamlar O‘FA instruktorlari Baxtiyor Tog‘ayev va Oleg Dachevlar tomonidan tanlab olinadi. So‘ngra, ularning O‘FA va PFL tomonidan tashkil etiladigan musobaqalar, o‘quv va amaliy seminarlar orqali malakalari oshirib boriladi.
Bu kabi seminarlar respublikamizning boshqa hududlarida ham bosqichma-bosqich tashkil etib boriladi.
