"Inter" va "Tottenhem"ning sobiq o‘yinchisi Nikola Berti YECHL guruh bosqichida o‘zaro o‘yinlari oldidan ushbu jamoalarning kuchlarini chamaladi.
Uchrashuv bugun bo‘lib o‘tadi.
"Bu ikki jamoaning saviyasi bir-biriga yaqin, ammo "Inter"ni biroz kuchliroq hisoblayman. "Tottenhem" hujumda fantastik harakat qiladi, maydon markazida ham juda yaxshi, ammo himoyada bo‘sh, ular juda ko‘p gol o‘tkazib yuboradilar.
"Inter"da Mauro Ikardidek sher bor, jamoa xorvatlar tufayli yanada kuchaydi.
Harri Keyn — oxirgi 30 yildagi menga haqiqatan yoqqan angliyalik yagona hujumchi. Unga qoyil qolaman, chunki u - haqiqiy futbolchi. U o‘ng va chap oyoqda, bosh bilan yaxshi o‘ynay oladi. Angliyalik hujumchilar menga yoqavermaydi, ammo u bundan mustasno. Klinsmann davridan buyon jamoaning eng yaxshi hujumchisi", - deydi Berti.