Ispaniya chempionati 8-turidan o‘rin olgan “Alaves” va “Real Madrid” uchrashuvi nihoyasiga yetdi. “Mendisorrosa” stadionida bo‘lib o‘tgan o‘yinda mezbonlar sensasion g‘alabani qo‘lga kiritishdi.
Uchrashuv mehmonlarning ustunligida o‘tdi va “Real” futbolchilari bir qator qulay imkoniyatlarga ega bo‘ldilar. Biroq mezbonlar o‘yin yakunida gol urib, g‘alabani qo‘lga kiritishdi.
Manu Garsiya hakam tomonidan qo‘shib berilgan vaqtning so‘nggisida burchakdan uzatilgan to‘pni boshi bilan darvozaga aniq yo‘naltirib o‘yin taqdirini hal qilgan golga muallif bo‘ldi.
Shu tariqa, madridliklar g‘alabasiz va golsiz seriyalarini davom ettiradigan bo‘ldilar.
La Liga, 8-tur
Alaves – Real Madrid 1:0 (0:0, 1:0)
Gol: 1:0 – 90+5 Manu Garsiya.
Alaves – Pacheko, Laguardia, Duarte, Ximo Navarro, Maripan (Agirregabiria, 88), Mubarak (Manu Garsiya, 74), Pina, Ibai Gomes (Sobrino, 67), Brashanas, Xoni Rodriges, Kalyeri.
Real Madrid – Kurtua, Ramos, Nacho, Odriosola, Varan, Kazemiro (Asensio, 62), Modrich, Sebalyos, Kroos, Beyl (Vinisius Junior, 80), Benzema (Dias, 46).
Ogohlantirishlar: Mubarak (54).
