Otabek G‘ulomxo‘jayev murabbiyligidagi O‘zbekiston U-17 terma jamoasi Malaga shahrida o‘tkaziladigan xalqaro musobaqada ishtirok etish uchun Ispaniyaga jo‘nab ketgani haqida xabar bergan edik.
Bugun O‘zbekiston U-17 terma jamoasi Malagaga yetib bordi hamda mehmonxonaga joylashdi. Ertadan boshlab mashg‘ulotlarga kirishadi.
Eslatib o‘tamiz, Malagada bo‘lib o‘tadigan musobaqada O‘zbekiston U-17 terma jamoasi Fransiya, Belgiya hamda Shotlandiya U-18 terma jamoalariga qarshi maydonga tushadi. 10 oktyabr kuni birinchi bahsda vakillarimizga Shotlandiya U-18 terma jamoasi raqiblik qilsa, 13 oktyabr kuni Belgiyaga qarshi bahs olib boriladi. Musobaqadagi so‘nggi o‘yin 15 oktyabr kuni Fransiya U-18 terma jamoasiga qarshi bo‘lib o‘tadi.
