“Paxtakor” himoyachisi Toshkent derbisi arafasida bahs xususida berilgan savollarga javob qaytardi.

O‘yinga tayyorgarlik qanday kechdi?

- Har ikki jamoa oxirgi uchrashuvda mag‘lubiyatga uchradi. Shu sababli jamoalar muxlislari oldida o‘zlarini oqlashga intilishadi. Bellashuvlar orasida vaqt qisqa, shuning uchun yaxshi hozirlik ko‘rish lozim. "Bunyodkor" yaxshi jamoa va o‘z maydonida harakat qiladi. O‘yin qiziqarli kechadi deb o‘ylayman.

“Lokomotiv” bilan o‘yin haqida qanday fikrdasiz?

- Bu jamoa bilan to‘qnash kelganimizda kim birinchi gol ursa o‘sha jamoada g‘alaba va qarshi hujumlarda ko‘proq vaziyat yaratishga imkon bo‘ladi. Bu safargi to‘qnashuvda raqib birinchi bo‘lib gol urdi. Shu sababli ular qarshi hujumlarda imkoniyatlarni yuzaga keltirishdi.

“Bunyodkor”da ancha yil o‘ynagansiz va murabbiyni yaxshi bilasiz. Bu jamoaga qanday baho berasiz?

- Joriy mavsum ular yaxshi o‘ynashmoqda. Chunki bu jamoani yaxshi murabbiy boshqarmoqda. Moliyaviy muammolarga qaramay, "Bunyodkor" yaxshi natijalar ko‘rsatib kelyapti. Maydonda yuz foiz kuchini bermaydigan futbolchi ushbu murabbiy qo‘l ostida o‘ynamaydi. Ularga juda yaxshi baho beraman.