O‘zbekiston kubogi-2018 final uchrashuvi ertaga Farg‘ona shahridagi muhtasham “Istiqlol” stadionida bo‘lib o‘tadi.
Har ikki jamoa vakillari ham mazkur o‘yinda g‘alaba qozonishga jiddiy bel bog‘lashgan. “Paxtakor” jamoasi yetakchilaridan biri Jaloliddin Masharipov o‘yin oldidan shunday fikr bildirdi:
- O‘zbekiston kubogi final uchrashuviga yaxshi kayfiyatda yetib keldik. Jamoamizda kayfiyat a’lo darajada. Barcha faqat g‘alaba qozonish haqida o‘ylamoqda. Ishonchim komil, final o‘yini yuqori saviyada o‘tadi.
Zero Farg‘ona ahli futbolni sevishi barchamizga ma’lum. Stadionga kelgan ko‘p sonli muxlislar jamoalarni qizg‘in qo‘llab-quvvatlab tursa va ajoyib final atmosferasi yaratishsa, o‘yinchilar ham maydonda yanada ruhlangan holda to‘p surishadi, - dedi mahoratli futbolchi.
