Madridning “Real” klubi  “Milan” yarim himoyachisi Susoga qiziqib qoldi, deya xabar beradi Corriere della Sera.

Manbaning ma’lumotlariga qaraganda, “qirollik klubi” futbolchini qishgi transfer oynasida olib kelish yo‘llarini izlayapti. Futbolchining transferi taxminan 38 million yevroga baholanmoqda.

Shuningdek, ispaniyalik futbolchini  “Chelsi” ham o‘z safiga qo‘shib olmoqchi. “Milan” esa futbolchiga yaxshilangan yangi shartnoma taklif qilyapti.

Eslatib o‘tamiz, 24 yoshli Suso joriy mavsum 12 ta o‘yinda maydonga tushib, 4 ta gol urdi va 7 ta golga assistentlik qilgan.