“Paxtakor” – “Metallurg” uchrashuvidan so‘ng mezbonlar ustozi Shota Arveladze quyidagicha fikr bildirdi:  

"Hozir deyarli har 3-4 kunda o‘yin o‘tkazyapmiz. O‘yinlarning har biri juda ham muhim. Zero, qimmatli ochkolar va Chempionlar ligasi masalasi o‘rtada turibdi. Ha biroz qiyin, lekin eng muhimi – har bir o‘yinda g‘alaba qozonish. Bugungi bahsda birinchi taymning o‘zidayoq o‘yin taqdirini hal etib qo‘ysak bo‘lar edi. Zero, 3-4 ta juda qulay imkoniyatlar yuzaga kelgandi. Lekin bu – futbol, hammasi bir zumda amalga oshib qolmaydi. Asosiysi – bugun g‘alabani qo‘lga kirita oldik. Bugun ayrim o‘yinchilarga dam olish imkoniyatini ham taqdim etdik", - dedi mutaxassis.