“Пахтакор” – “Металлург” учрашувидан сўнг мезбонлар устози Шота Арвеладзе қуйидагича фикр билдирди:  

"Ҳозир деярли ҳар 3-4 кунда ўйин ўтказяпмиз. Ўйинларнинг ҳар бири жуда ҳам муҳим. Зеро, қимматли очколар ва Чемпионлар лигаси масаласи ўртада турибди. Ҳа бироз қийин, лекин энг муҳими – ҳар бир ўйинда ғалаба қозониш. Бугунги баҳсда биринчи таймнинг ўзидаёқ ўйин тақдирини ҳал этиб қўйсак бўлар эди. Зеро, 3-4 та жуда қулай имкониятлар юзага келганди. Лекин бу – футбол, ҳаммаси бир зумда амалга ошиб қолмайди. Асосийси – бугун ғалабани қўлга кирита олдик. Бугун айрим ўйинчиларга дам олиш имкониятини ҳам тақдим этдик", - деди мутахассис.