«Yuventus» bosh murabbiyi Massimiliano Allegri «Oltin to‘p» uchun kurashda Krishtianu Ronalduni qo‘llab-quvvatlashini aytib o‘tdi.

«Hozircha «Oltin to‘p» nominasiyasi haqida hech narsa bilmayman, lekin Krishtianu bu sovringa munosib.

SPALga qarshi o‘yin haqida to‘xtaladigan bo‘lsam, Dibala mashg‘ulotlarga kechroq qo‘shilgani bois, u o‘yinni zaxiradan boshlasa kerak. Ko‘ramiz. Katta ehtimol bilan Manjukich va Ronaldu o‘yinni asosiy tarkibda boshlaydi.

Futbol – bu aniq fan emas, ammo bunda kimyo kerak. Ronaldu va Manjukich bir-birlarini maydonda yaxshi tushunishadi. Krishtianu Paulo bilan yaxshi til topishadi, ammo ular birgalikda kam o‘ynashdi. Ularning har uchalasi maydonda bo‘lgani menga yoqadi.

Jamoa har tomonlama yaxshi ishlamoqda. Barchasi futbolchilarning qay darajada tayyorligiga bog‘liq. Biz to‘g‘ri yo‘ldan ketyapmiz, lekin barcha bir-birini yanada yaxshi bilib olishi uchun ishlashda davom etishimiz kerak», – dedi Allegri.