Professional boksda faoliyat olib borayotgan bokschimiz Sanjarbek Rahmonov navbatdagi jangini qachon va kimga qarshi o‘tkazishi ma’lum bo‘ldi.

Floyd Meyvezerga qarashli promouterlik kompaniyasi bilan hamkorlik qilayotgan Sanjar 7 dekabr kuni (Toshkentda 8 dekabr tongida) Las-Vegasda amerikalik Jonatan Stilga qarshi bahs olib boradi.

Ma’lumot uchun, Sanjar shu kungacha prof boksda 12 ta jang o‘tkazgan. Bokschimiz janglarining 10 tasida g‘alaba qozongan (5 tasi nokaut bilan). 1 ta jangda durangga erishgan bo‘lsa, 1 marotaba mag‘lubiyatga uchragan. Uning raqibi Jonatan Stil esa bungacha professional ringda 10 marotaba ringga ko‘tarilgan. U janglarining 8 tasini g‘alaba bilan tugatgan (6 tasi nokaut). Shuningdek, 1 marotabadan durang va mag‘lubiyatni qayd etgan.