Osiyo futbol konfederasiyasining rasmiy sayti www.the-afc.com Osiyo Kubogi oldidan ishtirokchi terma jamoalar tarkibida porlashi kutilayotgan futbolchilar haqida turkum maqolalar e’lon qilib bormoqda. Bu safar OFK sayti O‘zbekiston milliy terma jamoasi yarim himoyachisi Odil Hamrobekovga e’tibor qaratdi. Quyida e’tiboringizga OFK saytida e’lon qilingan maqolaning tarjimasini havola qilamiz:
O‘zbekiston milliy terma jamoasi o‘zining 7-Osiyo Kubogi hisoblangan BAAda bo‘lib o‘tadigan musobaqada bir qator futbolchilar qatori Odil Hamrobekovga ham katta umid bog‘lamoqda.
O‘zbekiston mustaqillikka erishganidan keyin o‘tkazilgan barcha Osiyo Kubogi musobaqalarida ishtirok etgan. Uch marta chorak final va bir marta (2011 yilda) yarim finalga qadar yetib borgan. Endilikda O‘zbekiston milliy terma jamoasi Osiyo Kubogi finaliga yo‘l olmoqchi.
MTJdagi debyut
Odil Hamrobekov 2017 yil milliy terma jamoa tarkibida BAAga qarshi o‘yinda debyut qilgan bo‘lib, shu paytga qadar "Oq bo‘rilar" tarkibida 9ta o‘yinda maydonga tushgan.
Yarim himoyachi shu yil yanvarda bo‘lib o‘tgan U-23 Osiyo chempionatida musobaqaning eng yaxshi o‘yinchisi sifatida e’tirof etilgandi.
O‘yin uslubi
22 yoshli Odil Hamrobekov maydonni yaxshi ko‘ra oladi, raqiblari o‘yinini a’lo darajada o‘qiydi. U yarim himoya, tayanch yarim himoya va himoya chizig‘ida o‘ynay oladi.
Ishonchli tarzda himoyalana olish uning yagona yutug‘i emas. Hamrobekov hujumlarga ham faol qo‘shiladi, o‘yin tempini nazorat qilishi mumkin. Kerak paytlarda sovuqqonlik bilan harakat qila oladi.
Odil Hamrobekov
Fuqaroligi: O‘zbekiston
Tug‘ilgan sanasi: 13.02.1996
Pozisiya: Yarim himoyachi
Hozirgi klubi: "Nasaf" (O‘zbekiston)
Avvalgi klubi: Yo‘q
O‘zbekiston milliy terma jamoasining Osiyo Kubogidagi o‘yinlari taqvimi:
O‘zbekiston - Ummon
"Sharja" stadioni, Sharja
O‘yin sanasi: 9 yanvar, 18:30
O‘zbekiston - Turkmaniston
"Ar-Rashid" stadioni, Dubay
O‘yin sanasi: 13 yanvar, 21:00
O‘zbekiston - Yaponiya
"Shayx Xalifa" stadioni, Al-Ayn
O‘yin sanasi: 17 yanvar, 18:30
