Yaponiya terma jamoasi hamda Turkiyaning “Galatasaroy” klubi himoyachisi Yuto Nagatomo bo‘lajak raqib O‘zbekiston terma jamoasi haqida fikrlarini bildirib o‘tdi.
“O‘zbekiston terma jamoasi hozirda biz uchun eng qiyin raqiblardan biri hisoblanadi. Ular jismonan kuchli va texnik jihatdan tetiklar.
Ammo Yaponiya g‘alaba yo‘lida duch kelgan raqibni mag‘lubiyatga uchratishi shart. Biz bunga tayyormiz”, deydi Yuto Nagatomo.
Eslatib o‘tamiz, 17 yanvar kuni Osiyo Kubogi guruh bosqichidan o‘rin olgan so‘nggi tur uchrashuvini O‘zbekiston terma jamoasi Al-Ayn shahridagi "Xalifa bin Zayd" stadionida Yaponiyaga qarshi o‘tkazadi. Mazkur bahsni BAAlik hakam Muhammad Abdulla Hasan Muhammad boshqaradi.
Akmal Eshonxonov
Al-Ayn shahridan maxsus
