Germaniya chempionatining 18-turidan o‘rin olgan «Xoffenxaym» – «Bavariya» uchrashuvi o‘z nihoyasiga yetdi. Mazkur bahsda myunxenliklarning qo‘lib baland keldi.
Uchrashuvning 34-daqiqasida Leon Goretska mehmonlarni oldinga olib chiqqan bo‘lsa, birinchi bo‘lim yakunlanishi arafasida Goretska dublini nishonladi.
Ikkinchi bo‘lim debyutida maydon egalari Niko Shulsning aniq zarbasidan so‘ng hisobni qisqartirishga muvaffaq bo‘lishdi. Biroq 87-daqiqada Robert Levandovski o‘yinga nuqta qo‘ygan golga muallif bo‘ldi.
Bundesliga, 18-tur
Xoffenxaym – Bavariya 1:3 (0:2, 1:1)
Gollar: 0:1 – 34 Goretska, 0:2 – 45 Goretska, 1:2 – 59 Shuls, 1:3 – 87 Levandovski.
Xoffenxaym – Baumann, Fogt (Grillich, 56), Posh, Xyubner, Shuls, Demirbay (Gayger, 56), Bitenkur, Kaderjabek, Belfodil, Kramarich, Joelinton (Salai, 79).
Bavariya – Noyer, Zyule, Alaba, Kimmix, Xummels, Goretska, Martines (Boateng, 90), Alkantara (Xames, 78), Koman (Gnabri, 73), Levandovski, Myuller.
Ogohlantirishlar: Fogt (26), Grillich (57), Posh (64), Kimmix (68), Martines (84).
