Fransiya chempionatining 17-turi doirasida o‘tkazilishi kerak bo‘lgan, ammo qoldirilgan o‘yin bo‘lib o‘tdi. «PSJ» o‘z maydonida «Monpelye»ni qabul qilib, yirik hisobda g‘alaba qozondi.

 Mehmon jamoa futbolchilari ikki marta o‘z darvozalarini ishg‘ol qilib qo‘yishgan bo‘lsa, Kurzava, Di Mariya va Mbappe o‘z hisoblariga bittadan gol yozib qo‘yishdi. «Monpelye» mezbonlarning beshta goliga bir marta javob qaytara oldi.

Ushbu g‘alabadan keyin parijliklar 2-o‘rindagi "Lill" bilan ochkolar farqni 15 ochkoga yetkazib olishdi. "PSJ" hisobida yana bitta zaxira o‘yini borligini ta’kidlash lozim.

Fransiya chempionati, 17-turning qoldirilgan o‘yini
PSJ – Monpelye 5:1 (2:1, 3:0)
Gollar: 1:0 – 13 Kurzava, 1:1 – 31 Molle, 2:1 – 45 Di Mariya, 3:1 – 73, avtogol Shkuletich, 4:1 – 78, avtogol Ilton, 5:1 – 79 Mbappe.
PSJ – Buffon, Kerer (Diabi, 83), Markinyos, Kimpembe, Kurzava, Nkunku, Dani Alves (Dagba, 77), Verratti, Draksler, Di Mariya (Shupo-Moting, 68), Mbappe.
Monpelye – Lekomt, Pedru Mendesh (Kossa, 19), Ilton, Kongre, Agilyar, Skiri, Le Tallek (Lasn, 81), Oyongo, Labord (Sambiya, 74), Molle, Shkuletich.
Ogohlantirishlar: Oyongo (59), Dani Alves (64), Verratti (67).