O‘z vaqtida Slovakiya, Chexiya, Xitoy, Eron va Latviya chempionatlarida o‘ynagan yarim himoyachi Aziz Ibragimov yangi mavsumni “Navbahor” klubida boshlashga juda yaqin turibdi. Shu sababli Ibragimov fikri bilan qiziqdik.
“O‘tgan mavsum oxirida Andrey Kanchelskis meni o‘z jamoasida ko‘rmoqchi ekanini ma’lum qilgan edi. Buni o‘ylab ko‘rishim kerak edi. Qishda oldimda yana variantlar bor edi.
Toshkentda “Bunyodkor”da ekanligimda Kanchelskis yana qo‘ng‘iroq qildi va yana bir bor “Navbahor”ga chaqirdi. Bosh murabbiy haqiqatdan ham menga ishonayotgani va o‘z jamoasida ko‘rishni istagani uchun ham hozirda “Navbahor”daman.
Kecha jamoa safida birinchi mashg‘ulotda qatnashdim. Hozircha shartnomaga rasman imzo qo‘yganim yo‘q. Ammo deyarli barchasini kelishib oldik va rasmiyatchilik qoldi xolos. “Navbahor”ning taklifi menga ma’qul keldi”, - deydi Aziz Ibragimov.
