Barchasi vinger Yan Diomandening «RB Leypsig»dan «Real»ga o‘tishi tomon ketmoqda. ESPN xabariga ko‘ra, Madrid klubi kelishuvni yaqin soatlar ichida yakunlashga umid qilmoqda.
Diomande transferining umumiy summasi 135 million yevroni tashkil etishi kutilmoqda. Summaning bir qismi (taxminan 115-120 million yevro) kafolatlangan to‘lov bo‘ladi, qolgan qismi esa bonuslar sifatida kiritiladi.
Yan Diomande 19 yoshda. Ivuarlik vinger «RB Leypsig» tarkibida 36 ta rasmiy o‘yinda maydonga tushib, o‘z hisobiga 13 ta gol va 10 ta golli uzatma yozdirib qo‘ygan. Oldinroq Diomande Ispaniyada «Leganes» sharafini himoya qilgan.
