Ma’lumki, O‘zbekiston Milliy Olimpiya qo‘mitasi tomonidan tashkil qilinayotgan “Nafosat-2019” ayollar spartakiadasiga faxriy mehmon sifatida rossiyalik taniqli yengil atletikachi Yelena Isinbayeva tashrif buyuradi.
Jahon sportining afsonasi tashrifi davomida barcha OAV uchun ham matbuot-anjumani tashkil qilish rejaga kiritilgan. O‘zbekiston Milliy Olimpiya qo‘mitasi 4 mart kuni soat 11:00da MOQda bo‘lib o‘tadigan matbuot anjumaniga barcha ommaviy axborot vositalarini chorlab qoladi.
Ma’lumot uchun, Yelena Isinbayeva yengil atletikaning langarcho‘p bilan sakrash yo‘nalishida ikki karra Olimpiya o‘yinlari chempioni (2004, 2008), uch karra jahon chempioni, yopiq inshootlardagi jahon chempionatining to‘rt karra g‘olibasi, Yevropa chempioni, 28 marotaba jahon rekordchisi hisoblanadi.
