O‘zbekiston olimpiya terma jamoasiga qarshi o‘tkazilgan o‘rtoqlik uchrashuvidan keyin qisqa muddatli ta’tilga chiqqan “qaldirg‘ochlar” kechadan yana mashg‘ulotlarga kirishdi.

Olti nafar“Bunyodkor” futbolchilari O‘zbekiston yoshlar terma jamoasi yig‘inida ishtirok etayotgani sababli mashg‘ulotlarda qatnashmayotgan bo‘lsa, Ulug‘bek Abdullayev jarohatini davolatmoqda.

Rejaga ko‘ra, indinga “Bunyodkor” nazorat uchrashuvida maydonga tushadi. Raqib Superliga vakili “Qizilqum” jamoasidir. Navoiy klubiga qarshi o‘yin qaysi maydonda bo‘lib o‘tishi va soat nechchida boshlanishi to‘g‘risida alohida ma’lumot beriladi.

Eslatib o‘tamiz, “Bunyodkor” Superliganing 2-tur o‘yinida “Paxtakor”ga qarshi maydonga tushadi. Bellashuv 31 mart kuni bo‘lib o‘tadi.