Bugun tunda «Old Trafford» stadionida bo‘lib o‘tadigan uchrashuvga qiziqish katta. Shu sabab jamoalar murabbiylari va futbolchilarning uchrashuv haqidagi o‘yin oldi fikr va mulohazalari bilan qiziqdik.
Pol Pogba
Bunday jamoalarga qarshi o‘ynash har doim yoqimli. Maydonda super yulduzlarga qarshi to‘qnash kelganimda futboldan lazzat olaman. 2015-yilda «Barselona» jamoasiga qarshi «Chempionlar Ligasi»ning finalida to‘qnash kelganman. Afsuski, biz imkoniyatni boy bergan edik. Sababi, o‘shanda bizga qarshi dunyoning eng yaxshi futbolchisi hisoblangan Messi ajoyib o‘yin ko‘rsatgan yedi. Darhaqiqat, u sayyoramizning eng zo‘r o‘yinchisi.
Sulsher
.jpg)
Biz har doim eng katta klublar bilan o‘ynashni yoqtiramiz. «Barselona»ga bundan avval ham bir necha bor to‘qnash kelganmiz. Muxlislarimiz aynan shunday jamoalarga qarshi uchrashuvlarni ko‘rishni istashadi. O‘yin boshlanishini sabrsizlik bilan kutyapmiz.
Men 99% murabbiylardan farqli o‘laroq javob bahsi mehmonda bo‘lishidan xursand bo‘lyapman. Bu bizga qo‘shimcha kuch beradi deb o‘ylayman. Agar biz o‘z uyimizda qoniqarli natija qayd eta olsak, istalagan jamoaga mehmonda muammolar yaratishga kuchimiz yetadi. Biz bu ishni Parijda uddasidan chiqqan edik
Filippe Koutinyo
Men va Suarezga «Old Trafford»da hushtak chalishsa, sira hayron qolmayman. Sababi, biz «Liverpul» safida ularni ko‘p bor hafa qilganmiz (Kuladi). Ularning bizga salbiy munosabati bizga ta’sir o‘tkazmaydi. Aksincha qo‘shimcha kuch bag‘ishlaydi. «Liverpul» o‘ynab yurgan chog‘larimda bu jamoaga qarshi bahs doim o‘zgacha bo‘lishiga ko‘nikib qolganman. Shunga qaramasdan, «Barselona» «Manchester Yunayted»ni turnirdan chiqarib yuborishga ishonchim komil.
Valverde
«Manchester Yunayted»ga qarshi bahs avvalgilari kabi juda og‘ir o‘tsa, ajab emas. Bu jamoa huddi biz kabi shonli tarixga ega klub. Ikkala uchrashuv ham qiziqarli va yorqin o‘tishiga ishonchim komil. Keyingi bosqichga chiqish Imkoniyati ikkala jamoada ham mavjud. Ular kadrlar borasida jiddiy muammoga uchragan bo‘lsada, Parijda g‘alaba qozonishdi. Men javob uchrashuvi «Kamp Nou» da bo‘lishi bizga qo‘shimcha imkoniyat beradi deb hisoblamayman.
Yahyoxo‘ja Ulug‘xo‘jayev tarjima qildi.
