A Pro-Liga 4-turidan o‘rin olgan “Neftchi”- “Iftixor” (1:0) uchrashuvidan so‘ng mezbonlar bosh murabbiyi Abdusamad Do‘rmonov quyidagicha fikrlarni bildirdi.

- Uchrashuv yakunlandimi, g‘alaba qozondikmi, tamom buni unutish kerak. Sababi oldimizda hali ko‘plab qiyin uchrashuvlar kutib turibdi. “Neftchi”da ilgari xuddi shunaqa edi. O‘yinni o‘tkazib bo‘ldingmi, tugadimi, demak shu daqiqadan boshlab keyingi uchrashuvga tayyorgarlikni boshlashing kerak, vaqt kutib turmaydi, hozirgi yosh futbolchilarga mana shu kayfiyatni, g‘oliblik ruhiyatini singdirishimiz lozim.

Bugun mezbon maqomida uchrashuv o‘tkazdik. Biz uchun safardagi o‘yinmi, uydami, barchasida g‘alaba uchun maydonga tushishimiz kerak. “Neftchi”ning avvalgi mavkeini tiklash uchun harakat qilishimiz, ishlashimiz lozim.