А Про-Лига 4-туридан ўрин олган “Нефтчи”- “Ифтихор” (1:0) учрашувидан сўнг мезбонлар бош мураббийи Абдусамад Дўрмонов қуйидагича фикрларни билдирди.

- Учрашув якунландими, ғалаба қозондикми, тамом буни унутиш керак. Сабаби олдимизда ҳали кўплаб қийин учрашувлар кутиб турибди. “Нефтчи”да илгари худди шунақа эди. Ўйинни ўтказиб бўлдингми, тугадими, демак шу дақиқадан бошлаб кейинги учрашувга тайёргарликни бошлашинг керак, вақт кутиб турмайди, ҳозирги ёш футболчиларга мана шу кайфиятни, ғолиблик руҳиятини сингдиришимиз лозим.

Бугун мезбон мақомида учрашув ўтказдик. Биз учун сафардаги ўйинми, уйдами, барчасида ғалаба учун майдонга тушишимиз керак. “Нефтчи”нинг аввалги мавкеини тиклаш учун ҳаракат қилишимиз, ишлашимиз лозим.