Bugun tunda “Tottenxem” chempionlar ligasi yarim final javob o‘yinida “Ayaks” mehmoni bo‘ldi. Drammatik kechgan bahsda “Tottenxem” super kambek amalga oshirib ikki o‘yin natijasiga ko‘ra 3:3 hisobida durang o‘ynadi va safarda urilgan gollar hisobiga ikkinchi finalchiga aylandi. Uchrashuvdan so‘ng Twitter ijtimoiy tarmog‘ida mutaxassis va muxlislar o‘yin haqidagi fikrlari bilan o‘rtoqlashdi.
Sanjar Rizayev: Shunday qilib finalga «Sautgempton»ning 7 futbolchisi va murabbiyi chiqdi. Mana asl «Ayaks» qayerda :)
Xayrulla Hamidov: APLga ta’zim! Kroyf tirik bo‘lganda, yana o‘lardi. “Real” ozgina dam olay desa, darrov APLga topshirib qo‘yishdi hokimiyatni... Kechagi o‘yinni ham esdan chiqartirdiya, vuy, jinnilar. APL finalining Ispaniyada o‘tayotganida ham ramziy ma’no bor.
Qaxramon Aslanov: Tan olinglar, ispanlar va “Bavariya” gigemonlik qilgan yillarda vashshe qiziq bo‘lmayotgandi o‘yinlar. YECHL o‘n yil oldingi davrga qaytyapti. Boshqa final kutganlarning talablariga binoan 3-o‘rin uchunam o‘yin tashkil qilinglar (:
...: Futbolda hamma narsaga chidash mumkin, ammo Arsenalning raqibi Totenxamning yutug‘iga chidab bo‘lmaydi! Ming la’nat.
Hikmatillo: Futbolni rivojlantirish bo‘yicha "Superligada kambeklar sonini oshirish" bo‘yicha Va’zirlar maxkamasining qarori...
Shaxboz Beg‘amov: Xullas, 2012 yil «Bavariya» YECHL finaliga chikib yutkazgandi. Keyingi yil yana finalga chikdi. Germaniya klasikosiga aylangan finalda Kloppni «Borussiya»sini yutgan. Keyin YECHLda Ispaniya erasi boshlandi. Utgan yili APL jamoasi finalga chikdi, yutkazdi. Bu yili esa APLning ikki vakili finalda. Joriy mavsum YECHL xakikiy ertaknamo musobakaga aylandi.
Dildora Holboyeva: “Barsa” va “Real” davri o‘tkani bilindi. Futbol yana o‘z vataniga qaytganidan xursandman.
O‘tkirbek Muydinov: “Tottenxem” guruhdan zo‘rg‘a osilib chiqqan klub, finalga chiqib ketsa-ya. Xabba! Yoki “Real”dan o‘rganganmi deymanda?!
Jaloliddin QObiljonov tayyorladi
