Бугун тунда “Тоттенхэм” чемпионлар лигаси ярим финал жавоб ўйинида “Аякс” меҳмони бўлди. Драмматик кечган баҳсда “Тоттенхэм” супер камбек амалга ошириб икки ўйин натижасига кўра 3:3 ҳисобида дуранг ўйнади ва сафарда урилган голлар ҳисобига иккинчи финалчига айланди. Учрашувдан сўнг Twitter ижтимоий тармоғида мутахассис ва мухлислар ўйин ҳақидаги фикрлари билан ўртоқлашди.
Санжар Ризаев: Шундай қилиб финалга «Саутгемптон»нинг 7 футболчиси ва мураббийи чиқди. Мана асл «Аякс» қаерда :)
Хайрулла Ҳамидов: АПЛга таъзим! Кройф тирик бўлганда, яна ўларди. “Реал” озгина дам олай деса, дарров АПЛга топшириб қўйишди ҳокимиятни... Кечаги ўйинни ҳам эсдан чиқартирдия, вуй, жиннилар. АПЛ финалининг Испанияда ўтаётганида ҳам рамзий маъно бор.
Қахрамон Асланов: Тан олинглар, испанлар ва “Бавария” гигемонлик қилган йилларда вашше қизиқ бўлмаётганди ўйинлар. ЕЧЛ ўн йил олдинги даврга қайтяпти. Бошқа финал кутганларнинг талабларига биноан 3-ўрин учунам ўйин ташкил қилинглар (:
...: Футболда ҳамма нарсага чидаш мумкин, аммо Арсеналнинг рақиби Тотенхамнинг ютуғига чидаб бўлмайди! Минг лаънат.
Ҳикматилло: Футболни ривожлантириш бўйича "Суперлигада камбэклар сонини ошириш" бўйича Ваъзирлар махкамасининг қарори...
Шахбоз Беғамов: Хуллас, 2012 йил «Бавария» ЕЧЛ финалига чикиб ютказганди. Кейинги йил яна финалга чикди. Германия класикосига айланган финалда Клоппни «Боруссия»сини ютган. Кейин ЕЧЛда Испания эраси бошланди. Утган йили АПЛ жамоаси финалга чикди, ютказди. Бу йили эса АПЛнинг икки вакили финалда. Жорий мавсум ЕЧЛ хакикий эртакнамо мусобакага айланди.
Дилдора Ҳолбоева: “Барса” ва “Реал” даври ўткани билинди. Футбол яна ўз ватанига қайтганидан хурсандман.
Ўткирбек Муйдинов: “Тоттенхэм” гуруҳдан зўрға осилиб чиққан клуб, финалга чиқиб кетса-я. Хабба! Ёки “Реал”дан ўрганганми дейманда?!
Жалолиддин ҚОбилжонов тайёрлади
