“Manchester Siti” yarim himoyachisi Riyad Mahrez jamoasini o‘zgartirmoqchi emas. Bu haqda Goal xabar berdi.

“Hammasi shakllangan jamoga kirishib ketish oson emas. Men bu yerda qiyin bo‘lishini bilgandim, ammo men o‘z kuchimga ishonaman.

Qachonki menga imkoniyat berilsa, men o‘zimni ko‘rsataman. “Brayton”ga qarshi bahsda men jamoamga yordam berdim. Men “Siti”da baxtliman va hech qayerga ketmayman”, - deydi Mahrez.

Eslatib o‘tamiz, avvalroq futbolchi o‘yin amaliyotisiz qolayotgani sababli jamoasini o‘zgartirishi to‘g‘risida xabarlar tarqalgan edi.