Estoniyaning Tallin shahrida sport kurashlari bo‘yicha yoshlar o‘rtasidagi jahon chempionati davom etadi. Bugun musobaqada yunon-rim kurashi ustalari bahsi boshlanadi. Unda terma jamoamizning bir qator vakillari jahon chempionligi uchun saralash bosqichidan kurash olib borishadi. Ushbu kun doirasida bahsga kirishadigan vakillarimiz ro‘yxati:
-55 kg: Ixtiyor Botirov – Pridon Abuladze (Gruziya)
-63 kg: Javohirbek Samatov – Tibor Gyuyerki (Vengriya)
-77 kg: Dilshod Omongeldiyev – Leonid Proskurovich (Qozog‘iston)
-130 kg: Ilhom G‘ulomjonov – Uku Layk (Estoniya)
Kecha kurashgan qizlarimizdan 2 nafari ayni paytga kelib bronza medali uchun kurashish imkoniyatini saqlab qolgan. Vakillarimizni mag‘lub etgan ishtirokchilar finalgacha yetib borgani uchun Shohida Ahmedova (-53 kg) hamda Svetlana Oqnazarova (-72 kg) o‘tish bosqichida bahs olib borishadi.
-53 kg: Shohida Ahmedova / Puja Puja (Hindiston) – Mariya Tiumerekova (Rossiya)
-72 kg: Svetlana Oqnazarova / Kamila Kulviska (Polsha) – Shuiyan Chen (Xitoy)
