Angliya Liga kubogining (Carabao Cup) hal qiluvchi final bahsi o‘z yakuniga yetdi. «Uembli» stadionida kechgan «Manchester Siti» va «Arsenal» o‘rtasidagi to‘qnashuvda Pep Gvardiola shogirdlari zafar quchib, bosh sovringa ega chiqishdi.
Niko O’Rayli — final qahramoni!
O‘yin taqdiri ikkinchi bo‘limdagi gollar evaziga hal bo‘ldi. Bahsning 60 va 64-daqiqalarida jamoaning yosh yulduzi Niko O’Rayli dublni rasmiylashtirib, «kanonirlar» mudofaasini dog‘da qoldirdi. Shu tariqa, «Siti» o‘z tarixida 9-marta ushbu kubokni boshi uzra baland ko‘tardi.
Abduqodir Husanov — «Manchester Siti» devori!
Biz uchun eng quvonarlisi, hamyurtimiz Abduqodir Husanov faoliyatidagi ilk yirik finalda asosiy tarkibda maydonga tushdi va 90 daqiqa davomida «Arsenal» yulduzlariga qarshi markaziy himoyada bexato o‘ynadi. Husanov nafaqat intizomli harakat qildi, balki jamoasining darvozasi daxlsizligini saqlab qolishda asosiy rollardan birini ijro etdi.
Statistika aldamaydi: Husanovga yuqori baholar!
Nufuzli statistik portallar o‘zbek «devori»ning finaldagi harakatlarini munosib e’tirof etishdi:
-
FotMob: 7.4
-
WhoScored: 7.01
-
SofaScore: 7.0
-
FlashScore: 6.6
