Madridning «Real» klubi bosh murabbiyi Joze Mourinyo jamoa ichidagi jiddiy muammolarni hal qilishda qiyinchiliklarga duch kelmoqda.

The Touchline nashrining RMC Sport ma’lumotlariga tayanib xabar berishicha, ayni paytda «Real» kiyinish xonasida keskin muhit hukm surmoqda. Jamoa ichidagi vaziyat hatto «muzdek sovuq» deb ta’riflanmoqda.

Ma’lumotlarga ko‘ra, ayrim futbolchilar o‘rtasida munosabatlar yaxshi emas va ular bir-biri bilan chiqisha olmayapti.

Mourinyu bosh murabbiylik lavozimiga kelganidan so‘ng ham ushbu muammoni bartaraf etishga muvaffaq bo‘lmagan.

Ta’kidlanishicha, bunday kelishmovchiliklar Xabi Alonso va Alvaro Arbeloa jamoani boshqargan davrlarda ham mavjud bo‘lgan.

So‘nggi vaqtlarda «Real» ichidagi vaziyat Kilian Mbappening maydon tashqarisidagi xatti-harakatlari sababli yanada keskinlashgan.

Manbaga ko‘ra, Mourinyu fransiyalik hujumchi bilan shaxsan suhbat o‘tkazib, undan o‘zini bosiqroq tutishni so‘ragan.

Shu tariqa, portugaliyalik mutaxassis oldida nafaqat jamoaning maydondagi natijalarini yaxshilash, balki futbolchilar o‘rtasidagi munosabatlarni ham tartibga solish vazifasi turibdi.

Eslatib o‘tamiz, «Real» Ispaniya La Ligasidagi navbatdagi uchrashuvini 10 oktyabr kuni «Vilyarreal»ga qarshi o‘tkazadi.