Myunxenning «Bavariya» klubi yarim himoyachisi Maykl Olise jamoani tark etgan taqdirda faoliyatini davom ettirish uchun yagona variant sifatida Madridning «Real» klubini ko‘rmoqda.
Fransiyalik futbolchi boshqa klublardan keladigan takliflar sababli jamoasini o‘zgartirishni rejalashtirmayapti.
Sky Sport Germany ma’lumotlariga ko‘ra, Olise faqat «Real» tomonidan jiddiy qiziqish bildirilgan taqdirdagina «Bavariya»dan ketish imkoniyatini ko‘rib chiqishga tayyor.
Agar Madrid klubi uni sotib olish bo‘yicha aniq harakatlarni amalga oshirmasa, futbolchining «Bavariya» bilan shartnomasini uzaytirishi eng ehtimoliy variant hisoblanadi.
Maykl Olise 2024 yilning iyul oyidan buyon «Bavariya» sharafini himoya qilib kelmoqda.
O‘shanda myunxenliklar fransiyalik futbolchini Angliyaning «Kristal Pelas» klubidan taxminan 60 million yevroga sotib olgan edi.
Olisening «Bavariya» bilan amaldagi shartnomasi 2029 yilning 30 iyuniga qadar mo‘ljallangan.
