Англия Лига кубогининг (Carabao Cup) ҳал қилувчи финал баҳси ўз якунига етди. «Уэмбли» стадионида кечган «Манчестер Сити» ва «Арсенал» ўртасидаги тўқнашувда Пеп Гвардиола шогирдлари зафар қучиб, бош совринга эга чиқишди.
Нико О’Райли — финал қаҳрамони!
Ўйин тақдири иккинчи бўлимдаги голлар эвазига ҳал бўлди. Баҳснинг 60 ва 64-дақиқаларида жамоанинг ёш юлдузи Нико О’Райли дублни расмийлаштириб, «канонирлар» мудофаасини доғда қолдирди. Шу тариқа, «Сити» ўз тарихида 9-марта ушбу кубокни боши узра баланд кўтарди.
Абдуқодир Ҳусанов — «Манчестер Сити» девори!
Биз учун энг қувонарлиси, ҳамюртимиз Абдуқодир Ҳусанов фаолиятидаги илк йирик финалда асосий таркибда майдонга тушди ва 90 дақиқа давомида «Арсенал» юлдузларига қарши марказий ҳимояда бехато ўйнади. Ҳусанов нафақат интизомли ҳаракат қилди, балки жамоасининг дарвозаси дахлсизлигини сақлаб қолишда асосий роллардан бирини ижро этди.
Статистика алдамайди: Ҳусановга юқори баҳолар!
Нуфузли статистик порталлар ўзбек «девори»нинг финалдаги ҳаракатларини муносиб эътироф этишди:
-
FotMob: 7.4
-
WhoScored: 7.01
-
SofaScore: 7.0
-
FlashScore: 6.6
