Bugun bo‘lib o‘tgan YECHLning o‘tgan mavsumidagi eng kuchli futbolchilarni taqdirlash marosimda gollandiyalik himoyachi bosh sovringa ega chiqqanidan xabaringiz bor. «Liverpul» himoyachisi ushbu sovrinni qo‘lga kiritgach, o‘z fikrlari bilan o‘rtoqlashdi. Bundan tashqari, YECHLning eng yaxshi hujumchisi nominasiyada g‘olib chiqqan Leo Messi ham oav uchun kichik intervyu berdi. Hozir ushbu intervyularni e’tiborigizga taqdim etamiz.

Virjil Van Deyk

Kuchli uchlikda bo‘lishning o‘zi men uchun ajoyib sovg‘a bo‘lgan bo‘lsada, g‘olib bo‘lishni kim ham istamaydi deysiz? Ayniqsa, sahnaga chiqib sovrinni qo‘lga kiritish insondagi barcha yoqimli hislarning jumbushga kelishiga sabab bo‘ladi.

O‘tgan mavsumdan menda ajoyib xotiralar qolgan edi. Endilikda bu yoqimli hislarga ushbu sovrin ham qo‘shildi va bu mening faoliyatim davomidagi eng ajoyib mavsumga aylandi.

Bunday mukofotga loyiq ko‘rilganimdan bexat xursandman. Endi ancha hotirjamman va yangi g‘alabalarga juda chanqoqman. Meni quvontirgan yana bir omil shundaki, ushbu sovrinni hujumchilar emas,  himoyachi qo‘lga kiritdi. Aslida futbol maydonida himoyachilarning vazifasi mushkulroq bo‘lsada, hujumchilar doimmo birinchi planda namoyish etilishiga barham berildi.

Men hech qachon mavsumning eng yaxshi futbolchisi bo‘lish uchun harkat qilmaganman. To‘g‘ri, bu juda nufuzli sovrin. Bundan tashqari uni qo‘lga kiritgan futbolchilarning ro‘yxatiga nazar solsangiz so‘zlarimning isbotini topasiz, biroq yana qaytarib aytaman, men birinchi bo‘lish uchun to‘p surmaganman.

«Oltin to‘p» borasida ham hech narsa deya olmayman, sababi uni qo‘lga kiritish uchun yangi mavsumning ilk bosqichida ham kuchli futbol namoyish etish lozim.

Messi

Virjil hozirda dunyoning eng kuchli himoyachisi sanaladi. Axir u YECHLda g‘oliblikni qo‘lga kiritgan «Liverpul»ning ajralmas bo‘lagi. Bu g‘alaba uchun futbolchi katta mehnat qildi. U mavsum davomida hujumda ham himoyada ham birdek ter tokdi.

Men sovrin Virjilga nasib etganidan sira xafa bo‘lganim yo‘q. Gap shundaki, bu men biror marotaba qo‘lga kirita olmagan sovrin emas.  Har doim aytganimdek, men uchun asosiysi jamoaviy g‘alabalar! Aynan shunday sovrinlarni qo‘lga kiritish ishtiyoqida yonyapman. Ochig‘i doim hamma sovrinlarni o‘zimniki qilishni istayman. Umid qilamanki, yangi mavsumda oldingisiga nisbatan ko‘proq sovrinlarni qo‘lga kiritamiz.  Biz tarkibimizni anchagina kuchaytirib olishni uddaladik va yangi mavsumda yanada kuchliroq bo‘lib maydonda jang qilishga tayyor xolatdamiz.

Grizman ham mavsumni juda yaxshi boshlab oldi. Ishonamanki, u mavsumning qolgan qismida ham ana shunday tempda o‘yin ko‘rsata oladi.