Rossiyaning Yekaterinburg shahrida boks bo‘yicha jahon chempionatining 2-bosqichga start berildi. Bugun o‘zbekistonlik uch nafar sportchi ringga ko‘tarildi. Ikki hamyurtimiz g‘alaba qozongan bo‘lsa, bir bokschimiz imkoniyatni boy berdi.

Eng yengil vazn toifasi (52 kg.)da ishtirok etayotgan Shahobiddin Zoirov jahon chempionatining 1/16 finalida Dominikan Respublikasi vakili, kuchli bokschi, Panamerika o‘yinlari g‘olibi Rodrigo Martega qarshi jang qildi va g‘alaba qozondi  5:0. Vatandoshimiz nimchorak finalda qirg‘izistonlik Azat Usenaliyevga qarshi ringga ko‘tariladi.

-75 kg vaznli bokschimiz Fanat Qahramonov jahon chempionatining 1/16 finalida avstraliyalik Adrian Kammaranoga qarshi jang qildi va qiyin o‘tgan bahsni 5:0 hisobida o‘z foydasiga hal qila oldi! Qahramonov chorak final yo‘llanmasi uchun braziliyalik Xebert da Konseysao bilan to‘qnash keladi.

-63 kg vaznli bokschimiz Elnur Abduraimov ushbu jahon chempionatidagi ikkinchi jangini amerikalik Keyshovn Devisga qarshi o‘tkazdi va imkoniyatni boy berib qo‘ydi — 0:5. Shu tariqa, O‘zbekistonlik delegasiyasi jahon chempionatida dastlabki yo‘qotishga uchradi.