Shu yilning iyun va iyul oylarida Fransiyada ayollar o‘rtasidagi Jahon chempionati o‘tkazildi.
Italiyaning Milan shahrida FIFA tomonidan mana shu chempionatning tahliliga bag‘ishlangan konferensiya tashkil etildi. Ushbu konferensiyada O‘FA texnik direktori Shavkat Imamov hamda O‘zbekiston ayollar terma jamoasi bosh murabbiy Bahrom Norsafarov ishtirok etishdi.
Konferensiyada ayollar futbolining rivoji, texnik, taktik trendlar, mavjud ma’lumotlar asosda o‘yinlar tahlili va avvalgi Jahon chempionatlari hamda FIFA tadbirlaridagi holatlarni o‘rganib chiqish masalalari ko‘rib chiqildi.
Shuningdek konferensiya ishtirokchilari kecha bo‘lib o‘tgan “The Best” sovrinlari topshirish marosimiga ham taklif etildilar. Ushbu tadbirda butun dunyodan kelgan yetuk mutaxassislar o‘zaro fikr va tajriba almashish imkoniyatiga ega bo‘lishdi.