Ispaniyaning Valensiya shahrida ot sportining konkur yo‘nalishi bo‘yicha navbatdagi xalqaro musobaqa bo‘lib o‘tdi. Osiyo va Yevropaning yetakchi chavandozlari o‘rtasida kechgan bahs vakillarimiz uchun muvaffaqiyatli yakunlandi.

Balandligi 140 sm bo‘lgan to‘siqlardandan o‘tish bellashuvlarida Saidamirxon Turg‘unboyev eng yaxshi natijani qayd etdi va musobaqaning oltin medaliga sazovor bo‘ldi. Shuningdek, 120 sm balandlikdagi to‘siqlarda kechgan bahs ham biz uchun omadli keldi. Bu yo‘nalishda tajribali A’zam Tolibboyev g‘alaba qozonib, madhiyamiz yana bir bor yangrashi sababchisiga aylandi.

Eslatib o‘tamiz, kuni kecha aynan ushbu shaharda o‘tgan musobaqada vakillarimiz 1 tadan oltin va bronza medallariga sazovor bo‘lishgan edi.a