Yaqindagina o‘z yakuniga yetgan O‘zbekiston va Saudiya Arabistoni terma jamoalari o‘rtasidagi o‘yindan so‘ng, Jaloliddin Masharipovni suhbatga tortdik.
Bugungi o‘yin haqida nima deya olasiz?
Ochig‘I bugun mag‘lubiyatga loyiq emas edik. Qarshi hujumda ham, jamoaviy futbolda ham ulardn ustunroq bo‘ldik. Afsuski, so‘nggi 15 daqiqada hujumga berilib ketdik va jazolandik. So‘nggi daqiqalarda o‘tkazib yuborilgan ikkita goldan so‘ng, kimdir yuzimizga bir chelak muzdek suv sepib yuborgandek bo‘ldi. Harakat qilishda davom etamiz.
Sizni erta zahiraga olishgandek ko‘rndi?!
Bu murabbiyimizning qarori. Biz uning buyuqlarini bajarishga majburmiz. Futbolchilar o‘zlarining maydonda qancha to‘p surishini hal eta olmaydi. Agar maydonda bo‘lganimda vaziyat o‘zgacha bo‘larmidi bunisi bilmadim. Bu futbol va bizda hali imkoiyat mavjud.
Saudiya Arabistonini mehmonda yengishni iloji bormi?
Albatta, biz ularni mehmonda jazolashga urunib ko‘ramiz.