Rossiyaning «Rostov» klubi bosh murabbiyi Valeriy Karpin jamoaning moliyaviy ahvoli yomon ekanligini ochiqladi.

Avvalroq, 50 yoshli mutaxassis jamoaning bir qancha yetakchi futbolchilari jamoadagi moliyaviy qiyinchilik sabab boshqa klublarga o‘tib ketishni rejalashtirayotgani haqida gapirib o‘tgandi.

— Vaziyat qanchalar og‘ir? Juda!Umid qilamanki,  Chempionlik poygasi, Yevropa Ligasi, Rossiya Kubogidagi berilgan savollarga javobimni mana shu satrlar orqali bilib oladi vaziyatimiz qanchalik qiyin ekanligini.

—Klubning futbolchilar oldidagi qarzi uch oyni tashkil qilmoqda. Bu birinchi marta sodir bo‘lmayapti. Bunga o‘xshash vaziyat o‘tgan yili ham bo‘lgan ekan, hozir ham takrorlanmoqda. Yigitlarga rahmat, barchasi tushunib, sabr qilib, vijdonan ishlamoqda. Ammo shunday paytlar bo‘ladiki, hamma narsani chegarasi bo‘ladi. Yigitlarga minnatdorchilik bildirishim kerak, ammo bunday vaziyatda biror bir sovrin uchun kurash olib borish qiyin.

— Ketish vaqti kelganmi yoki yo‘qmi bilmayman, lekin shu paytgacha jim bo‘ldim va barchasi gap-so‘zlarni klub ichida qoldirib yurgandim. Endi ma’lumotlar ommaga e’lon qilindi — sukut saqlab o‘tirishdan foyda yo‘q. Bu haqda gapirish kerak, — dedi Karpin.

Ayni paytda «Rostov» RPL turnir jadvaliga 30 ochko jamg‘argan holda uchinchi o‘rinni egallab turibdi.