"Yuventus" hujumchisi Krishtianu Ronaldu 2020 yil yozida "Manchester Yunayted"ga qaytishi mumkin. Bu haqda "OK Diario" jurnalisti Eduardo Inda xabar berdi.
"Agar "Yuventus" ushbu mavsumda Chempionlar ligasini yutmasa, Ronaldu jamoadan ketishi mumkin. U "Yuventus"ga o‘tayotganida faoliyatidagi uchinchi klub bilan Chempionlar ligasi g‘olibi bo‘lishni niyat qilgan. Ammo bu juda qiyin. "Yuventus" Pogba va Mbappeni xarid qilishi lozim. Lekin ushbu transferlar ham qimmat narx tufayli amalga oshishi qiyin. Bunday holatda esa Ronaldu Turin klubi bilan xayrlashadi. Shunday ekan, uning "Manchester Yunayted"ga qaytishi haqiqatga yaqinroq", - dedi Inda.