Turinning “Yuventus” klubi yarim himoyachisi Miralem Pyanich “Sassuolo” (2:2) klubiga qarshi uchrashuvda qayd etilgan durangdan keyin A Seriya g‘olibligi uchun kurashdagi imkoniyati haqida so‘zlab berdi.
"Biz hali mavsumni yarmiga ham yetib kelmadik, ammo bir qator kuchli raqiblarga duch keldik. Biz “Inter”dan bir ochko ortda boryapmiz, o‘n ochko emas. Ochko yo‘qotish yoqimsiz, lekin hali mavsum uzun. “Inter” ham xuddi biz kabi yaxshi o‘ynamoqda.
Har bir uchrashuvda g‘alaba qozonishni davom ettirmoqchimiz. Bizning birinchi maqsadimiz YECHL guruh bosqichidan chiqish edi, keyin – Italiya Superkubogi va A Seriyada turnir jadvali peshqadamligi", –Pyanichning so‘zlaridan iqtibos keltirmoqda Football Italia portali.