Londonning «Arsenal» klubi sobiq hujumchisi Tyerri Anri «Liverpul» klubining «Lester» ustidan qozongan g‘alabasi haqidagi fikrlari bilan o‘rtoqlashdi.
— Men uchun APL chempionligiga kurash yakunlandi. Ularni to‘xtatish mumkin emasligi meni har doim qiziqtirardi. Ular qilayotgan ishlar meni qo‘rqitmoqda. Yurgen Klopp buni hech qachon tan olmaydi, lekin bu jamoaning asosiy maqsadi. Ular bugungi kechadan keyin to‘xtash niyatida emasliklarini yana bir bora isbotlashdi.
Klopp vazifa hali ado etilmaganini va oldinga qadam tashlashda davom etish kerakligini aytib keladi, lekin ularning amalga oshirayotgan ishlari normal holat emas. Men «Liverpul» muxlisi emasman, lekin ularning ko‘rsatayotgan o‘yinlari menga yoqmoqda, —Anrining so‘zlaridan iqtibos keltirmoqda Metro nashri.
