Ma’lumki, «Bunyodkor» 22 yanvar kuni Osiyo Chempionlar ligasining ikkinchi saralash bosqichi doirasidan o‘rin olgan uchrashuvda Iroqning «Az-Zavra» klubiga qarshi maydonga chiqadi.

«Jar» stadionida bo‘lib o‘tadigan bellashuv soat 14:00da boshlanadi. Xuddi shu kuni Tailandda davom etayotgan 23 yoshgacha bo‘lgan futbolchilar o‘rtasidagi Osiyo chempionatida yarim final o‘yinlari ham bo‘lib o‘tadi.

Xabaringiz bor, O‘zbekiston olimpiya terma jamoasi yarim finalda Saudiya Arabistoni bilan to‘qnash keladi. Olimpiada yo‘llanmasini taqdim qiladigan mazkur o‘yinning ahamiyati yuqori bo‘lgani sababli «Sport» telekanali Saudiya Arabistoni – O‘zbekiston uchrashuvini to‘g‘ridan-to‘g‘ri efirda namoyish qilishni rejalashtirgan. Bahs 15:15da start oladi.

«Bunyodkor» - «Az-Zavra» o‘yini esa, kechki 22:00da yozib olingan holda namoyish etiladi. Shu bois jamoamiz ishqibozlaridan «Jar» stadioniga tashrif buyurib, futbolchilarni qo‘llab-quvvatlab turishingizni so‘rab qolamiz!